Që pas shkarkimit të Albin Kurtit, presidenti Hashim Thaçi u ka kërkuar partive fituese në zgjedhje, emrin e një kryeministri të ri.
Pas dështimit të disa takimeve me Kurtin, Lidhja Demokratike, ka vendosur në tavolinën e Thaçit emrin e Avdullah Hotit për kryeministër.
Këshilli i Përgjithshëm i LDK, ka vendosur që të krijojë qeverinë e re në koalicion me Nismën, AAK, AKR dhe minoritetet.
“Në përputhje me mandatin kushtetues dhe në respektim të Aktgjykimit të Gjykatës Kushtetuese, në rastin nr. K0103/14, me qëllim të shmangies së zgjedhjeve të parakohshme, ruajtjes së stabilitetit të vendit dhe në përputhje me urgjencën për t’i dhënë vendit Qeveri të re me legjitimitet nga Kuvendi i Republikës së Kosovës, pas konsultimit me të gjitha partitë politike parlamentare dhe pajtimit të shumicës së tyre absolute për të formuar Qeveri të re, pas mosdërgimit të emrit të kandidatit për të formuar Qeverinë nga ana e Lëvizjes Vetëvendosje përkundër 5 kërkesave nga ana e Presidentit të vendit, si dhe në përputhje me Kriteret Mbizotëruese për formimin e Qeverisë së re, pas takimit të pasdites së djeshme ku kreu i LDK-së, Mustafa ka konfirmuar se ka siguruar shumicën e mjaftueshme në Kuvend, presidenti Thaçi ka përmes një letre i ka kërkuar emrin e mandatarit potencial për formimin e Qeverisë së Kosovës”, thuhet në përgjigjen e zyrës së presidentit.
Ditën e djeshme, presidenti kosovar mblodhi në takim liderët e partive të vendit, ku u diskutua për hapat që do të merren për krijimin e qeverisë së re.
Thaçi ka njoftuar partitë politike se hapat do t’i marrin sipas Kushtetutës dhe se ai do të mandatojë cilën parti apo koalicion që i dëshmon se ka shumicën në Kuvend për krijimin e insistucioneve të reja.
Ndërsa kryeministri i shkarkuar më 25 mars, Albin Kurti, ka paralajmëruar më herët, se do të nxisë protesta.
