Tjetër aksident në Shqipëri! Nuk janë të pakta rastet kur drejtuesit e mjeteve largohen nga vendi i ngjarjes pasi kanë bërë aksidentin. Raste të tilla vazhdojnë të jenë të pranishme pa marrë parasysh pasojat se çfarë mund të ndodhë më pas kryerjes sw aksidentit. I tillë është dhe rasti i ndodhur ditën e sotme në qytetin e Korçës, ku për pasojë mbetën të lënduar katër persona.
Policia ka arrestuar drejtuesin e një mjeti në Korçë, pasi është larguar nga vendi i ngjarjes menjëherë pasi ndodhi aksidenti. Forcat e policisë kanë bërë të mundur arrestimin e shtetasit me iniciale I.H, 63 vjeç, banues në fshatin Trestenik, Devoll.
Mësohet se në aksin rrugor Trestenik-Vishocicë në Devoll, teksa ishte duke drejtuar mjetin tip “Ford”, drejtuesi ka humbur kontrollin e mjetit, i cili ka dalë nga rruga dhe më pas është larguar nga vendi i ngjarjes. Për pasojë, kanë marrë lëndime katër pasagjerë që ndodheshin në këtë automjet, të cilët morën disa plagë gjatë përplasjes.
Ambulanca ka mbërritur menjëherë në vendin e ngjarjes së ndodhur, e cila u ka ardhur në ndihmë personave të lënduar. Të lënduarit janë dërguar për të marrë shërbim të trajtuar mjekësor në Spitalin e Bilishtit dhe fatmirësisht, ndodhen jashtë rrezikut për jetën.
