Kryeministri Edi Rama gjatë prezantimit të platformës kundër gjyqtarëve dhe prokurorëve të korruptuar, është ndalur edhe te ikja e shqiptarëve.
Kreu i qeverisë ka thumbuar presidentin Ilir Meta, duke thënë se ky i fundit do të ndalojë shpopullimin.
Sipas Ramës, kush thotë se fajin për largimin e shqiptarëve e ka qeveria, ose nuk kupton asgjë, ose është i poshtër.
Më tej kryeministri ka marrë edhe shembullin e Portugalisë, shtet i cili sipas tij i ka ofruar 5800 euro shtetasve të tij, për t’u rikthyer.
Rama ndër të tjera, tha se së bashku me ikjet po largohet edhe truri i Shqipërisë, por ka shumë shqiptarë që janë kthyer për të investuar në Bujqësi, që nga Malësia e Madhe deri në Konispol.
Fjala e Ramës
Shqipëria po shpopullohet thotë ky Haxhiu, do t’a ndalojë ai…. Të tjerë thonë po ikin njerëzit. Si është e vërteta? Jemi në një botë me kurs tjetër lëvizjeje, jemi në mes të një kontinenti ku shumë afër nesh është epiqendra e pasurisë së botës. Patjetër që një të riu, që ndodhet në një fshat, që ka mrokllën dhe e ka këtu dhe Kim Kardashianin dhe Cristiano Ronaldon, s’është e lehtë t’i thuash, rri këtu të bëjmë bashkë Shqipërinë dhe pas 35 vitesh do jemi si në Gjermani. Ka probleme, por kush thotë se ikja e njerëzve lidhet me qeverisjen, s’kupton asgjë ose është i poshtër. E kupton, por s’di të thotë asgjë tjetër, veçse të hedhë helm. Faktet e bazuara në shifrat e Eurostat, shihni shqiptarët që ikin, shihni shqiptarët që vijnë (Tregon tabelat), në 2015, shihni 2019. Shqiptarët e kthyer janë 155 mijë, diferenca mes të ikurve dhe të ardhurve (shikon nga tabela), meqë flama e ikjes ka ardhur kur ne kemi ardhur në qeveri. Shihni vendet e tjera, vendet e tjera janë vende anëtare të BE. Shihni Portugalinë, i ikin 50 mijë njerëz në vit, kanë vënë bonus 5800 euro që të kthehen. S’kthehen. Shqiptarët kanë ikur, ikin dhe do të ikin. Bunkerin e Enver Hoxhës duam? Ka rrjedhje të trurit në këtë proces. Duhen krijuar instrumenta që të kthehen. Por kush e bëri në bujqësi që të fillojë një ndryshim i brendshëm. Nga Malësia e Madhe në Konispol. Shkoni takojini, unë i kam takuar. Nëse bëjmë garë me trendin e mëparshëm, është më pak se më para. Garën se bëjmë dot, edhe ata që ikën asokohe kanë patur më shumë arsye për të ikur. Shqipëria e para 6 viteve le të hidhen përpjetë të gjithë, s’ka asnjë krahasim.
