Zv.ministrja e Shëndetësisë, Eugena Tomini ka thënë se edhe nëse vendet europiane nuk njohin vaksinën kineze dhe ruse, shqiptarët do të udhëtojnë me tampon drejt vendeve europiane. Kështu Tomini ka siguruar qytetarët se do jenë të lirë të udhëtojnë në vendet e BE-së, me pasaportën e vaksinimit ose me kryerjen e tamponit.
“Përveç aplikimit me pasaportën e vaksinimit është edhe tamponi 48-72 orë. Kështu që popullata shqiptare nga kryerja e njërës apo tjetrës vaksinë nuk do të privohet nëse kemi disa alternativa siç është pasaporta e vaksinimit me vaksinat e BE apo kryerja e një tamponi”, ka thënë Eugena Tomini në një intervist për TV Klan.
Edhe ata persona që e kanë kaluar Covid, nuk mund të udhëtojnë vetëm më vërtetim pasi barkodet që njihen në kufi janë të vendosura vetëm tek certifikata e vaksinimit si edhe tek rezultati i tamponit.
Ka individë të cilët mund ta kenë kaluar sëmundjen por nuk reflektojnë në gjak antikorpe, prandaj edhe nëse individët që kanë kaluar sëmundjen të kryejnë tamponin 48-72 orë”.
Sipas Tominit testi serologjik nuk mund të tregojë prezencë antikorpesh nëse ka kaluar më shumë se një vit nga kalimi i sëmundjes. Deri tani asnjë vend në Europë nuk ka dalë me vendim final për të lejuar apo jo turistë nga vendet jashtë unionit.
