Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e personave që i kanë marrë të dyja dozat e vaksinave në vendin tonë. Me anë të një postimi në rrjetet sociale, Manastirliu bën me dije, se mbi 300 mijë qytetarë i kanë marrë të dyja dozat e vaksinës anti-COVID, në të gjithë vendin.
Ndër të tjera, Manastirliu u shpreh se në qendrat e vaksinimit të përqendruar dhe në qendrat shëndetësore afër vendbanimit, vijon pa u ndalur programi kombëtar i vaksinimit. Ajo gjithashtu shkruan se numri i përgjithshëm i vaksinimeve është mbi 790 mijë në të gjithë vendin.
”Në qendrat e vaksinimit të përqendruar dhe në qendrat shëndetësore afër vendbanimit, vijon pa u ndalur programi kombëtar i vaksinimit. Mbi 300 mijë qytetarë tashmë i kanë kryer të dy dozat e vaksinës, teksa janë kryer mbi 790 mijë vaksinime anti-covid në të gjithë vendin’’, shkruan ministrja e Shëndetësisë Ogerta Manastirliu.
Kujtojmë se procesi i vaksinimit në vendin tonë ka ecur me ritme të shpejta dhe se aktualisht po vaksinohen personat plus 60 dhe ata që kanë sëmundje kronike. Gjithashtu kujtojmë se janë vaksinuar bluzat e bardha, uniformat blu, të moshuarit, gazetarët e terrenit, mësuesit, operatorët turistik dhe punonjësit e transportit publik. Si u përmend edhe më sipër të dyja dozat e vaksinimit i kanë marrë mbi 300 mijë qytetarë.
