Një 71-vjeçare nga Tirana ka ndërruar jetë mbrëmjen e sotme, duke e çuar në 6 numrin e viktimave nga COVID-19 në vendin tonë.
Mësohet se e moshuara vuante nga hipertensioni, teksa kishte qenë prej 7 ditësh në terapi intensive, në frymëmarrje të drejtuar (respirator).
Ndërkohë, numri i të infektuarve ka shkuar në 148, pasi mbrëmjen e sotme u identifikuan edhe 2 vëllezër nga Elbasani si të infektuar, teksa i ati kishte rezultuar pozitiv më herët.
Elbasani deri më tani ka 5 të prekur nga dy familje, ku katër janë të vetëkarantinuar ndërsa një person është i shkruar në Tiranë në Spitalin Infektiv.
Shpërndarja gjeografike e rasteve pozitive, është si vijon:
• Tiranë 83 qytetarë
• Durrës 9 qytetarë
• Lushnje 4 qytetarë
• Elbasan 5 qytetarë
• Fier 14 qytetarë
Rrogozhinë 2 qytetarë
• Kavajë 4 qytetarë
• Korcë 11 qytetarë
• Vlorë 5 qytetarë
• Shkodër 3 qytetarë
• Lezhe 4 qytetarë
• Berat 1 qytetar
• Has 2 qytetarë
• Krujë 1 qytetar
Në spitalin Infektiv ndodhen 72 pacientë, 3 prej të cilëve në gjendje të rëndë, ku dy janë intubuar, ndërsa pjesa tjetër ndodhen në pavion dhe paraqesin gjendje të stabilizuar shëndetësore.
