Pas konfirmimit të tre të infektuarve me COVID-19 nga Korça, sipas Abc News raportohet për një tjetër rast të dyshuar me Coronavirus në vendin tonë.
Policia greke ka deportuar në orët e para të mëngjesit të sotëm 32 shtetas shqiptarë të cilët kanë qenë të burgosur në shtetin fqinj.
Po ashtu, me të kanë qenë edhe 56 shtetas shqiptarë që janë pritur nga autoritetet e vendin tonë në pikën Kufitare të Kakavijës, ku i janë nënshtruar analizave nga inspektorët e Njësisë Vendore të Kujdesit Shëndetësor dhe të Inspektoriatit Shëndetësor Shtetëror të Gjirokastrës.
Mirëpo, gjatë kontrolleve njëri prej të deportuarve, 47-vjeçar, kishte shfaqur shenjat klinike të Coronavirusit , duke bërë që autoritetet shëndetësore të Gjirokastrës, ta nisnin për në qendrën karantinuese në Durrës.
Tashmë ai pritet t’i nënshtrohet testit për të parë nëse është i prekur apo jo, teksa pritet dhe përditësimi i bilancit nga COVID-19 në vendin tonë nga Instituti i Shëndetit Publik.
