Policia ka arrestuar këtë të mërkurë Xhelal Rrajën, vëllain e ish- deputetit socialist, Rrahman Rraja, për të cilin gjykata kishte caktuar masën e sigurisë “Arrest në burg”.
Rraja ishte shpallur në kërkim, pasi në vijim të operacionit “Revanshi”, ishte i dyshuar për pjesëmarrje në grup të strukturuar kriminal dhe për sigurim të kushteve për të kryer vrasje.
Njoftimi i Policisë
Pas një pune të mirëfilltë hetimore, është bërë e mundur kapja e shtetasit në kërkim Xh. Rr. Xh. Rr. ishte shpallur në kërkim, pasi gjykata i kishte caktuar masën e sigurisë “Arrest në burg”, në vijim të operacionit “Revanshi”, për pjesëmarrje në grup të strukturuar kriminal dhe për sigurim të kushteve për të kryer vrasje.
