Studimi më i ri tregon se vaksina AstraZeneca ka reduktuar me 94% shtrimet në spital pas injektimit të dozës së parë.
Ky studim është kryer nga autoritetet shëndetësore skoceze, i cili u mbështet në më shumë se 1 milion vaksinime të kryera nga dhjetori deri më 14 shkurt.
Mesa duket ky studim përgënjeshtron deklaratën e presidentit frances, Emanuel Macron. Disa javë më parë, shkaktuan indinjatën e gjithë komunitetit shkencor britanik fjalët e Presidentit francez Emmanuel Macron, i cili ndoshta pa menduar deklaroi se vaksina e “AstraZeneca” në bashkëpunim me Universitetin e Oksfordit ishte “pothuajse joefektive”.
Sipas studimit, “AstraZeneca” ka reduktuar me 94% shtrimet në spital te të vaksinuarit pas dozës së parë, një statistikë kjo përtej pritshmërive të vetë krijuesve të vaksinës dhe që tejkalon edhe të dhënat e vaksinës më të përdorur deri më tani, atë të “Pfizer”.
Më në detaj, nga më shumë se 1 milion të vaksinuar, vetëm 8 mijë janë dërguar në spital. Statistikat ulen disi kur flitet për pacientët mbi 80 vjeç, por mbetet gjithsesi te 80% i rasteve.
Kujtojmë se për vaksinën AstraZeneca ka pasur kundërshtime e nga shtete të tjera. Një ndër to është dhe Zvicra. Sipas autoriteteve shëndetësosre të këtij shteti, nuk ka mjaftueshëm prova që vërtetojnë se kjo vaksinë është efektive dhe pa efekte anësore.
