Në një kohë kur e gjithë bota po dridhet nga Coronavirusi, një lajm i mrekullueshëm ka ardhur nga Italia.
Bëhet me dije se një grua kineze është shëruar vetë nga virusi, pasi ishte e shtruar në spitalin ‘Spallanzani’ në Romë që në muajin janar kur u identifikua si e infektuar.
Gruaja në fjalë gëzon shëndet të plotë dhe lajmi i mirë është bërë i ditur nga vetë ministri i Shëndetësisë Alessio D’Amato, por nuk jepen detaje të tjera.
Coronavirusi në Itali ka shënuar deri më tani 12 viktima dhe ka infektuar 322 të tjerë.
Harta e virusit po zgjerohet, pasi një rast është konfirmuar në Kroaci, një në Greqi, dy raste në Austri dhe një në Maqedoninë e Veriut.
Në rang global janë regjistruar 2.700 të vdekur dhe mbi 80.000 të infektuar, teksa vendi ynë vijon të qëndrojë ‘stoik’ ndaj Coronavirusit, duke mos shënuar asnjë të infektuar.
Ditën e djeshme u raportua se një kompani farmaceutike amerikane pretendon se është afër krijimit të vaksinës kundër Coronavirusit.
Sipas tyre, kjo vaksinë është gati për t’u testuar tek njerëzit dhe provat klinike pritet të fillojnë së shpejti, ku do testohen 20-25 vullnetarë të shëndetshëm, duke kontrolluar nëse dy doza të vaksinës janë të sigurta dhe do të shkaktojnë një përgjigje imune.
Rezultatet mund të jepen midis muajit korrik ose gusht dhe vaksina mund të dalë në treg vetëm në vitin 2021.
Kompania amerikane gati vaksinën kundër Coronavirusit, por nuk del në treg para vitit 2021
Ditën e djeshme u raportua një tjetër lajm i mirë në Vietnam, ku të gjithë të prekur në këtë vend u shëruan.
Vietnami jep shpresë për botën, shëron të gjithë personat e prekur nga koronavirusi
