Londra raportoi zero vdekje nga Covid-19 të dielën për herë të parë në këto gjashtë muaj, sipas shifrave zyrtare të Qeverisë.
Mbretëria e Bashkuar si një e tërë regjistroi 19 vdekje nga koronavirusi, pasi të dhënat tregojnë se më shumë se 30 milion njerëz deri tani janë vaksinuar kundër sëmundjes. Është hera e parë që kryeqyteti raporton zero vdekje që nga 14 shtatori, në fillim të valës së dytë të pandemisë.
Zakonisht ka një vonesë raportimi gjatë fundjavës, me më pak vdekje të regjistruara. Por të dhënat më të fundit të plota tregojnë se mesatarja shtatë-ditore e vdekjeve në kryeqytet qëndron tani në 2.7, krahasuar me 196 në 16 Janar.
Ka pasur 15,413 vdekje të konfirmuara të Covidit në Londër, nga 126,592 në të gjithë vendin. Të dhënat erdhën disa orë para se Qeveria vendosi të lehtësonte kufizimet e bllokimit në të gjithë vendin, duke lejuar që grupe prej gjashtë personash të takoheshin jashtë dhe sportet në natyrëtë rinisnin.
Mesazhi i qeverisë ishte se “qëndrimi në shtëpi” do të përfundojë, por njerëzit janë ende të detyruar të mos kryejnë lëvizje përtej lokalitetit. Familjet nga Londra mund të udhëtojnë në bregdet për të shijuar valën e lehtë të të nxehtit të kësaj jave, konfirmoi qeveria për Evening Standard sot.
