Përhapja e COVID-19 në të gjithë botën ka bërë që shumë shtete të marrin masa strikte për ndalimin e përhapjes së tij dhe një ndër to është edhe mbyllja e kufijvee. Por ka një lajm të mirë për çiftet që u ndanë për shkak të COVID-19.
Italia ka vendosur ta bëjë me të lehtë kalimin e kufirit për të gjithë ata që kanë partnerin/partneren në këtë vend. Këshilli i Ministrave të Italisë ka miratuar vendimin për të lehtësuar kalimin e shqiptarëve drejt Italisë nëse janë të martuar ose vërtetojnë lidhjen e tyre me një shtetas italian apo shqiptarë që banon atje.
Gjatë mbledhjes së ditës e sotme Këshilli vendosi shtyrjen e gjendjes së jashtëzakonshme deri në 15 tetor.
Duhet të plotësohet një vetëdeklarim në të cilin të paraqitet arsyeja e kthimit në Itali. Mund të udhëtohet deri në vendmbërritjen përfundimtare vetëm me mjet privat (lejohet kalimi tranzit në aeroport, pa dalë nga zonat e dedikuara të këtij të fundit).
VENDIMI:
“Me Vendim të Kryetarit të Këshillit të Ministrave të datës 7 shtator 2020 (kliko këtu për tekstin dhe këtu për dokumentet ashkëlidhur), masat në fuqi për parandalimin e infeksionit në të gjithë territorin kombëtar të parashikuara nga Vendimi i Kryetarit të Këshillit të Ministrave i datës 7 gusht 2020 si edhe dispozitat e parashikuara nga urdhrat e Ministrit të Shëndetësisë të datës 12 gusht dhe 16 gusht 2020, janë shtyrë deri më 7 tetor të vitit 2020.
Lutemi të kushtohet vëmendje e veçantë mbi çështjet në vijim:
– hiqet ndalimi i hyrjes apo kalimit tranzit në territorin italian për personelin e policisë së Shtetit;
– dokumenti C bashkëlidhur Vendimit përditëson në tërësi informacionin mbi kufizimet e aplikueshme në udhëtimet nga dhe për në territoret përtej detit.
Këshilli i Ministrave ka vendosur, më datë 29 korrik 2020, shtyrjen e gjendjes së jashtëzakonshme në territorin kombëtar deri më datë 15 tetor 2020, për shkak të rrezikut shëndetësor lidhur me patologjitë që rrjedhin nga agjentë viralë të transmetueshëm, duke iu referuar veçanërisht COVID-19.
Me datë 7 gusht është aprovuar Vendimi i ri i Kryetarit të Këshillit të ministrave që, ndër të tjera, rregullon lëvizjet nga/për në Itali prej datës 9 gusht deri më datë 7 shtator 2020″.
