3 ditë pas 12-vjetorit të Pavarësisë, Kosova ka marrë një lajm të mirë, pasi një tjetër shtet e ka njohur atë.
Bëhet fjalë për Xhamajkën, teksa lajmi është bërë i ditur nga presidenti Hashim Thaçi, i cili me anë të një statusi në Twitter shkruan se Xhamajka e ka njohur Republikën e Kosovës si një shtet sovran dhe të pavarur.
“Xhamajka ka njohur Republikën e Kosovës si shtet sovran dhe të pavarur. Ky është rezultat i punës së vështirë dhe lobimit për vite të tëra nga kongresisti Eliot Engel. Punë e mirë. Faleminderit miqve tanë nga Kingstoni,”– shkruan Thaçi.
Kosova deklaroi Pavarësinë me 17 shkurt 2008, duke u bërë kështu shteti i dytë më i ri në botë.
Ndërkohë, deri tani 115 shtete nga të cilët 112 anëtare të OKB dhe 3 shtete që nuk janë anëtare të saj kanë njohur formalisht Republikën e Kosovës, teksa sfida më e vështirë është njohja nga Serbia.
