Kanë mbërritur në Kosovë doza e para të vaksinës anti Covid. Mbërritja e tyre pritet të shoqërohet me një ceremoni të organizuar në Aeroportin Ndërkombëtar ”Adem Jashari”.
Gjatë ceremonisë pritet të mbajnë fjalë rasti, Kryeministri Albin Kurti si dhe të tjerë përfaqësues zyrtarë të huaj e vendorë.
Sasia e mbërritur mbrëmjen e sotme është në kuadër të 100 800 dozave që Kosova do të marrë falas nga programi COVAX I OBSH. Vaksina që mbërriti në Kosovë ditën e sotme është ajo e AstraZeneca dhe Oxford e cila sipas rezultateve është 76% efektive ndaj virusit.
Bashkimi Evropian po ashtu ka premtuar se do të sjellë në Kosovë vaksina koronavirusit. Kosova është vendi i fundit në rajon që do të nisë fushatën e vaksinimit të popullsisë kundër koronavirusit. Plani i vaksinimit është i ndarë në tre faza dhe të parët pritet të vaksinohen punëtorët shëndetësorë, të moshuarit dhe ata me sëmundje kronike. Sasia e parë e vaksinave të AstraZeneca është 24 mijë, në pritje të dozave të tjera.
Kujtojmë që para mbërritjes së vaksinave në Kosovë, Shqipëria u ofrua që të vaksinaonte personelin shëndetësor të Kosovës dhe procesi nisi fillimisht në Kukës me disa mjekë që morën dozat e para vaksinës. Ende nuk dihet nëse Kosova në vazhdim do të pranojë vaksina nga Rusia apo Kina, pasi më herët zyrtarët kanë thënë që do të marrin vetëm vaksina të certifikuara nga OBSH.
