Tre ditë pas nisjes së procesit gjyqësor kundër Manchester Cityt, në Angli kanë filluar të dalin edhe zërat e para të asaj se çfarë po diskutohet dhe kërkohet nga pala akuzuese. Disa thashetheme duket se sugjerojnë një skenar gjithnjë e më serioz në dëm të klubit anglez. Sipas ‘The Telegraph’, nëse do të shpalleshin fajtorë, ‘Qytetarët’ jo vetëm që do të rrezikonin rënien nga Premier League, por gjithashtu mund të përjashtoheshin nga garat e tjera kombëtare dhe ndërkombëtare, duke përfshirë Kupën Carabao, FA Cup, Champions League dhe Kupën e Botës për Klube. Një përplasje totale, me pak fjalë, për të cilën nuk ka ende siguri për momentin, por që e bën çështjen gjithnjë e më të mprehtë dhe të ndërlikuar. Për më tepër, klubet e tjera në Premier League dhe më gjerë, do ta ndiqnin me vëmendje çështjen për të kuptuar çdo lëvizje të Federatës Angleze dhe UEFA-s. Të interesuara për caktimin e një dënimi të rëndë në rast fajësie, klubet nuk do të kënaqeshin me një zbritje të thjeshtë pikësh ose një rënie nga liga, por do të donin një dënim shembullor. Gjë që sipas rregullave në fuqi mund të nënkuptojnë përjashtim nga të gjitha turnetë kryesore kombëtare dhe ndërkombëtare.
Dritan Agolli, njeriu që shndërroi FSHZH në bankomatin e klientelës: nga tenderi 6 milionë dollarësh i satelitëve te mashtrimi i ri 2.6 milionë euro me avionë
Qeveria po përsërit të njëjtin mashtrim që ka bërë për vite me radhë: teknologji me bujë, premtime me fjalor futurist,...
