Klodiana Lala ka ndarë detaje interesante lidhur me operacionin e SPAK, që zbuloi një laborator kokaine dhe çoi në arrestimin e 10 personave, përfshirë tre shtetas të huaj nga Venezuela dhe Kolumbia.
Sipas saj, dy venezuelianët kishin rolin e kimistëve në këtë skemë, duke nxjerrë kokainën nga lëkurat e regjura të lopëve.
Deklaratat e të arrestuarve duken kontradiktore me akuzat ndaj tyre. Njëri prej venezuelianëve pretendoi se kishte ardhur në Shqipëri për mbjellje flokësh, duke treguar madje dhe biletën e kthimit.
Tjetri tha se kishte ardhur për të bërë tregti rrobash dhe paraqiti fatura që mbështesnin pretendimin e tij.
Ndërkohë, shtetasi kolumbian ka shprehur pakënaqësi, duke pretenduar se i janë mohuar të drejtat, por nuk ka dhënë sqarime të tjera.
Ky operacion dhe këto dëshmi tregojnë përpjekjet komplekse të grupeve kriminale për të maskuar aktivitetet e tyre të paligjshme.
