Anëtari i Këshillit të Partisë Demokratike, Indrit Hoxha ka bërë disa deklarata të forta në lidhje me problemet ligjore Brenda PD-së. i ftuar në Report Tv, Hoxha tha se Grupi për PD i është drejtuar gjykatës së partisë, por ashtu si Gjykata Kushtetuese, ajo ka vetëm kryetar e jo anëtarë.
“I jemi drejtuar gjykatës së partisë. Por, Gjykata e partisë, është si Gjykata Kushtetuese, ka kryetar por nuk ka anëtar. Mungojnë 4 anëtarët, çka e bën jo funksionale dhe duke mos patur një gjykatë partia ne kemi menduar ta çojmë në Gjykatën e Tiranës. Po nga Gjykata e Tiranës na kanë thënë që statusi i fundit i PD është ai i 2005”, Hoxha.
Ai shtoi se stautsi i fundit i PD është ai i vitit 2005. Hoxha deklaroi se Basha e ka shkatërruar PD-në nga ana ligjore e institucionale, ndërkohë që akuzon për mungesë të institucioneve të drejtësisë.
“Statusi i fundit është ai i vitit 2005. Kjo është një superskandal, tetë vite në opozitë që akuzon për mungesën e institucioneve të drejtësisë, për mungesën e gjykatave, dhe të shkatërrosh nga ana ligjore gjithë PD vetëm një njeri mund ta bëjë këtë. Dhe ky është vetëm Lulzim Basha, i cili thotë edhe se është një jurist perëndimor, por që sillet si një komunist brenda partisë. Nga ana ligjore gjithë procesi i PD është nul. Statusi është ndryshuar edhe në 2014 dhe në 2018. Nëse i referohemi statusit të 2005 i pari që është jashtë ligjit është Basha.”, deklaroi Hoxha.
Ai foli edhe për dorëheqjen e Bashës, duke thënë se Basha duhet ta ishte larguar pasi në zgjedhje bëri fushatë personale dhe nuk tregoi ekip.
“Ishte detyrim që Basha të japë dorëheqjen. Këto zgjedhje i humbi Basha, bëri fushatë “one man shoë”, nuk tregoi ekip.
Janë të gjitha përgjegjësi që duhej ti mbante Basha në aspektin moral, politik por edhe statuto. Zgjedhjet duhej te ishin në 22 korrik, ky e solli në 13 qershor”, përfundoi Hoxha.
