Kryeministri Edi Rama dhe ministrat e qeverisë së re u miratuan mëngjesin e sotëm nga Kuvendi. Sipas informacioneve të marra mësohet se ditën e nesërme Rama bashkë me anëtarët e tjerë të kabinetit do të betohen tek Presidenti Meta.
Qeveria “Rama 3” do të përbëhet nga 12 gra e 5 burra bashkë me kryeministrin teksa po shkon të betohet tek një President që ka marrë ‘vulën’ e shkarkimit nga Kuvendi i vjetër, por jo nga Gjykata Kushtetuese.
Ishte mazhoranca e PS që inicioi shkarkimin e Metës me pretendimin se kishte ndikuar dhe ndërhyrë në zgjedhjet e 25 prillit duke dalë nga statura e Presidentit.
Gjithsesi Meta e ka dhënë një sinjal dakordësie me qeverinë e re pasi ka emëruar dekretimin e të gjithë anëtarëve të rinj të kabinetit Rama, nga kryeministri tek ministrat që vijojnë.
Kujtojmë këtu gjithashtu dhe miratimin e Presidentit Meta për krijimin e qeverisë së re dhe emërimin e dekretimit të anëtarëve të rinj të kabinetit Rama 3. Para disa ditësh ai kishte paraqitur pranë SPAK të gjithë emrat e stabit të ministrave të përcaktuar nga kryeministri Edi Rama, dhe rezultoi që asnjë prej tyre nuk ishte me precedent penale apo jo i duhuri për atë pozicion që i është caktuar çdo kujt.
