Gjykata Kushtetuese ka rrëzuar ankimimin e ish-Kryeministrit Sali Berisha, i cili argumentonte se SPAK duhej të merrte miratimin e Kuvendit për vendosjen e masave të sigurisë “detyrim paraqitje” dhe “ndalim dalje jashtë vendit”.
Në vendimin e saj, Kushtetuesja e ka legjitimuar masën “detyrim paraqitje” të vendosur nga SPAK, duke theksuar se nuk ishte e nevojshme miratimi nga Kuvendi.
Ndërsa, për masën “ndalim dalje jashtë vendit”, Gjykata e ka konsideruar si jo-proporcionale dhe e ka shpallur të pavlefshme.
Gjykata ka vendosur të pranojë pjesërisht kërkesën, duke shfuqizuar vetëm pjesën e vendimeve gjyqësore që kishin vendosur masën “ndalim dalje jashtë shtetit” për Berishën, për shkak të shkeljes së parimit të proporcionalitetit.
Kushtet e caktuara për masën tjetër, “detyrim paraqitje”, mjaftonin për të arritur qëllimet e masës së parë.
