Kushtet skandaloze në burgje, Këshilli i Europës “i tërheq veshin” qeverisë shqiptare
Burgjet shqiptarë kanë shumë probleme, që ende nuk kanë marrë zgjidhje. Kështu thotë raporti i fundit i Komitetit Kundër Torturës, pranë Këshillit të Europës, i cili përfundoi monitorimin në vendin tone në dhjetor të 2018-ës.
Tre ditë më parë raporti është botuar në faqen zyrtare të Këshillit të Europës.
Disa nga problemet e evidentuar gjatë vëzhgimit janë, dhuna ndaj të burgosurve, kushtet në qelitë, diskriminimi, trajtimi jo i mirë i personave të huaj të dënuar, mbajtja e të miturve në të njëjtin burg me të rriturit, trajtimi jo njerëzor i personave me probleme mendore, dhuna gjatë shoqërimit në polici,.
Këshilli i Europës i ka bërë vërejtje qeverisë shqiptare për mos përmbushjen e detyrimeve.
Në të njëjtën kohë, KiE, i ka lënë 6 muaj kohë qeverisë që të ndërhyjë në legjislacion, si dhe të marrë masa të menjëhershmë për përmirësimin e kushteve në burgje.
Një prej kërkesave të KiE është sigurimi i televizorëve për çdo qeli.
Ndërkohë i vetmi premtim që kanë marrë nga ministrja e Drejtësisë, Etilda Gjonaj, është trajtimi ndryshe ndaj të huajve, të cilët do të kenë më tepër kohë në dispozicion, për të bërë ushtrime dhe për të marrë ajër të pastër.
