Ditën e sotme deputetja e PD-së Albana Vokshi ka fituar gjyqin me ministren e Arsimit Evis Kushi.
Sjellim në vëmendje se ministrja Kushi e paditi Vokshin për shpifje në lidhje me tezat e provimit të maturantëve të cilat dolën para provimeve.
Ndërkohë në një dalje për mediat, deputetja Vokshi u shpreh se ky është një lajm i mirë të cilin në fakt e priste dhe se drejtësia ka qenë në presion.
Gjithashtu Vokshi i kërkoi Kushit që të dorëhiqet nga pozocioni i saj pasi ka degraduar arsimin.
“E prisja, gjykata sot foli dhe më shpalli të pafajshme duke rrëzuar padinë e Evis Kushin. Ky është sinjali i parë i mirë që vjen nga drejtësia. Ka ardhur koha që drejtësia të përballen me shantazhet dhe dhunën që ushtron pushteti. Evis Kushi të japë dorëheqjen sot edhe pas këtij vendimi, ka ardhur koha që shqiptarët të marrin në duart e tyre fatet e tyre dhe të fëmijëve. Shkatërrimi i arsimit nuk ka pasoja vetëm për të sotmen, por për të ardhmen, ndaj ka ardhur dita që të gjithë të bashkohen për të ndalur këtë qeveri të korruptuar, antishqiptare. Ftoj çdo prind, student e të ri, që të bashkohen me përpjekjet tona”, tha në fjalën e saj Vokshi.
