Me anë të në video-mesazhi të publikuar në rrjetet sociale të kryeministrit Edi Rama, shefja e Infektivit Najada Çomo ka treguar arsyen e kandidimit si deputete.
Çomo, e cila është pjesë e listave të kandidatëve në zgjedhjet e 25 Prillit, tha se kush më mirë se ajo mund të reflektojë punën e bërë në spitalet Covid. Sa u përket masave të vendosura anti-covid, Çomo tha se janë më efikaset.
Kujtojmë se Najada Çomo dhe Luljeta Bozo janë dy hyrjet më të veçanta në listat e deputetëve socialist, pasi njihen dhe si dy figurat më të rëndësishme të momenteve më të vështira të dy viteve të fundit, atë të tërmetit dhe pandemisë.
Reagimi:
“Pasi mbarova fakultetin e Mjekësisë në Universitetin e Tiranës, në vitin 1985, jam punësuar në spitalin Infektiv. E pranova ftesën sepse kush më mirë se mua ta reflektojë punën e madhe të bërë në spitalet COVID, besoj të vlefshme, për mbarëvajtjen e shëndetit të popullatës dhe për ta bërë më të mirë këtë pjesë të politikës që jemi sot një nga motivet e forta për të vazhduar punën në mënyrë korrekte ka qenë dhe suporti i kryeministrit Edi Rama në mbarëvajtjen e kësaj pandemie. Ajo që na nevojitet më shumë nga të gjitha është që duhet të besojmë tek masat dhe e ardhmja, që besoj se do të jetë më e mirë se sa sot.”, tha Çomo, e cila është e dyta në listën e PS për qarkun e Tiranës.
