Aktivistë të shoqërisë civile kanë zgjedhur të protestojnë përmes disa pankartave para Prokurorisë së Posaçme Anti Korrupsion, për t’i bërë thirrje që të vihet në lëvizje.
“Ku është floriri i Kërrabës?”; “Pse u lejua vizita e kryeministrit të Greqisë për të vizituar Himarën?”;
“Përse nuk kërkon kryeministri i Shqipërisë të vizitojë Çamërinë?”; “Kush e pengon votën e diasporës?”;
“Kush ja fali Detin Greqisë?”; “Pse e vranë Kosta Trebickën?”; “Kush e vrau Remzi Hoxhën, e duam trupin”, kanë qenë disa prej pankartave të kësaj proteste të heshtur.
“Objekt i kësaj proteste është nxitja e mbështetja e punës së Institucioneve të drejtësisë e veçanërisht të Strukturës Antikorrupsion, në drejtim të hetimit, zbulimit e ndëshkimit të krimeve, të krerëve më të lartë të politikës e drejtësisë shqiptare, në këto 30 vite demokraci. Qytetarët shqiptarë kërkojnë me insistim, që ata politikanë që kanë vjedhur e kanë vënë dorë mbi pasurinë e popullit, të hetohen, të çohen në sallën e gjyqit, tu konfiskohet pasuria e të dënohen për fajet që i kanë bërë popullit shqiptar…”, thuhet në njoftimin e Unionit të shoqërisë civile dhe këshillit organizativ të Kuvendit Kombëtar shqiptar.
SPAK u formua në 25 nëntor2019 për të goditur korrupsionin dhe krimin e organizuar në nivelet më të larta të politikës, biznesit apo mafies. Por ndonëse u formua me një qëllim fisnik në letër, ajo çfarë solli në të vërtetë nuk ishte shumë shpresëdhënëse. SPAK ka hetuar një fermer se ’pastronte para me autokombanjën e tij’, por nuk heton afera si inceneratorët.
