Kush e anuloi takimin? Kurti dhe Veliaj japin versionet e kundërta

Google+ Pinterest LinkedIn Tumblr +

Ditën e sotme kryeministri i Kosovës Albin Kurti ka zhvilluar vizitën e tij të parë si kryeministër në Shqipëri.

Ai takoi homolgun e tij, Edi Ramën, dhe të dy mbajtën një konferencë për shtyp, ku theksuan se do të forcojnë bashkëpunimin mes dy vendeve, por u ndanë tek ideja e “Mini-Shengenit” ballkanik.

Albin Kurti vijin të mos pranojë uljen në një tavolinë me Serbinë, për sa kohë kjo e fundit nuk njeh pavarësinë e Kosovës.

Pas konferencës, Kurti takoi edhe kryeparlamentarit Gramoz Ruçi, më pas presidentit Ilir Meta, për ta mbyllur me kryedemokratin Lulzim Basha.

Por, në axhendën e tij parashikohej edhe një takim me kryebashkiakun e Tiranës, Erion Veliaj, por ky takim u anulua.

Kreu i qeverisë së Kosovës deklaroi se axhenda e ngjeshur nuk ia mundësoi takimin me Veliajn, pasi duhej të rikthehej në Prishtinë.

Lidhur me këtë veprim ka reaguar së fundmi Veliaj për Indexonline, ku ka deklaruar të kundërtën.

Veliaj tha se në fakt ishte ai i cili anuloi takimin për shkak të angazhimeve me rastin e 100-vjetorit të Tiranës kryeqytet.

Unë nuk e di pse ai nuk ka ardhur, sepse në bazë të axhendës, ai në këtë kohë do të vinte tek unë, mirëpo ai e ka devijuar agjendën, kështu që unë nuk kam kohë ta pres, sepse kam angazhime të tjera dhe jemi duke u angazhuar në axhendën tonë për shënimin e 100-vjetorit të Tiranës”, ka thënë Veliaj.

Ai çka mbetet me rëndësi në këtë mes është vetëm fakti që takimi nuk u zhvillua.

Shpërndaje
Share.

Komento