Partia Socialiste ka zhvilluar Kongresin Zgjedhor javën që lamë përgjatë 3 ditëve, në datat 28, 29 shkurt dhe 1 mars.
Në ditën e parë në rolin e grave socialiste në parti, ditën e dytë te reformat e ndryshme të ndërmarra nga mazhoranca, si Anti-KÇK dhe në ditën e tretë është ndalur tek të rinjtë, ku në podium për të mbajtur fjalën u ngjitën figura të ndryshme, kryesisht anëtarë të FRESH-it.
Mirëpo, nëse menduat se i kishit parë të gjithë e keni gabim, pasi sot 1 javë pas përfundimit të tij, Panorama Plus ka publikuar disa foto nga prapaskenat e Kongresit.
Në njërën prej tyre shihet kryeministri Rama, duke dalë nga Pallati i Kongreseve, i shoqëruara nga Taulant Balla dhe disa figura të tjera të PS-së.
Mirëpo, ajo që ka tërhequr vëmendje është mimika e kreut të qeverisë, i cili shihet i acarur teksa flet më dikë që e ka larg.
Ndërkohë, në foton tjetër shfaqet Klinton Zeqiraj, gazetari i emisionit “Stop”, që mundohet të imitoj kreun e qeverisë në veshje dhe mimike.
Zeqiraj në foto shihet krah deputetit të PS, Spartak Brahos, i cili i ndez dhe cigaren.
