Kryeministri i Kosovës, Albin Kurti ka qenë në takime në Bruksel me Komisionierin i BE-së për Fqinjësi e Zgjerim, Oliver Varhelyi e po ashtu më vonë me presidenten e KE, Ursula von der Leyen.
Pas takimit, Varhelyi ka reaguar duke i uruar suksese qeverisë së Kurtit dhe ka konfirmuar mbështetjen për Kosovën, duke përfshirë vaksinat për të luftuar pandeminë.
“Diskutim i mirë dhe i hapur me kryeministrin e Kosovës, Albin Kurti. Në këtë takim, nënvizova rëndësinë e përparimit të axhendës së reformave evropiane dhe rifillimin e dialogut me Serbinë, të ndërmjetësuar nga ana e BE-së. BE qëndron pranë #Kosovës në luftën kundër # pandemisë COVID19, duke siguruar mbështetje dhe vaksina”, shkruan shkruan Varhelyi në Twitter.
Po ashtu ka reaguar edhe presidentja e KE, Von der Leyen e cila shkruan se BE do të qëndrojë pranë Kosovës në luftën kundër pandemisë e po ashtu do të ndërmjetësojë në dialogun me Serbinë.
“Takim i mirë i parë me Albin Kurtin.
I uroj qeverisë së tij suksese në avancimin e reformave në Kosovë, duke përfshirë në shtetin e së drejtës, dhe normalizimin e marrëdhënieve me Serbinë.
BE do të vazhdojë mbështetjen për Kosovën, përfshirë vaksinat për të luftuar pandeminë”, shkruan Von der Leyen.
Good first meeting with @albinkurti
Wish his government success in advancing reforms in Kosovo, including in the rule of law, and normalisation of relations with Serbia.
EU will continue support for Kosovo, including with vaccines to fight the pandemic. pic.twitter.com/nLf70qMQhV— Ursula von der Leyen (@vonderleyen) April 29, 2021
