Kryeministri i Kosovës, Albin Kurti, ka sulmuar ashpër prokurorinë, duke akuzuar institucionin për qasje të njëanshme.
Sipas tij, prokuroria nuk reagon shpejt në rastet që nuk lidhen me Lëvizjen Vetëvendosje, ndërsa vepron me urgjencëpor kur Vetëvendosje bën ndonjë gabim të aluduar procedurial.
Kurti ka cilësuar prokurorët si “kërmij” dhe “lepuj” në veprimet e tyre. Ai gjithashtu ka refuzuar të përgjigjet ndaj një kërkese të Prokurorisë Speciale për t’u paraqitur si dëshmitar.
Në fjalimin e tij, Kurti përmendi Kryeprokurorin e Prokurorisë Speciale, Blerim Isufaj, i cili nuk pranohet nga qeveria dhe presidenca si kryeprokuror, megjithëse është zgjedhur nga Këshilli Prokurorial i Kosovës.
Sipas Kurtit, Isufaj synon vetëm të krijojë imazhe negative për të:
“Ai është regjisor i pamjeve kur unë hyj në Prokurori dhe bëhem lajm ndërkombëtar për korrupsion,” tha kryeministri.
Pas deklaratave të Kurtit, kryeprokurori Isufaj ka njoftuar një konferencë për shtyp që do të mbahet të hënën, më 30 dhjetor 2024, në orën 13:00, për të adresuar situatën.
