Kryeministri i Kosovës, Albin iu është përgjigjur deklaratave të presidentit serb Aleksandër Vuçiç, për ndërhyrje ushtarake në Kosovë.
Në konferencën e përbashkët me kryeministrin Edi Rama, Kurti tha se ka shkëmbyer informacione me KFOR-in, dhe ka deklaruar se nuk ka ndonjë të dhënë për ndonjë përgatitje për ndërhyrje. Kurti ka bërë me dije se ka diskutuar edhe me kreun e NATO-s. Kurti tha se Kosova është e hapur për dialog dhe ka qenë gati për të udhëtuar në Bruksel, por kjo u refuzua nga Beogradi. Ai i ka ftuar qytetarët të tregojnë qetësi dhe durim dhe ka thënë se puna po bëhet pa asnjë defekt.
“Ata vlerësojnë situatën, vendimet nuk janë politike, përmbajtja e tyre është profesionale e sigurisë. Unë si kryeministër nuk marr vlerësime pa Policinë dhe rrethanat ku ndodhen. Ne shkëmbejmë informacione me KFOR pasi jemi të pranishëm.
S’kam informacion për ndonjë përgatitje për ndërhyrje, diskutova dhe me Stoltenberg dhe Borrel, jemi të hapur për dialog, qysh kur i kërkuan bisedimet të hënën, kemi qenë gati për të udhëtuar në Bruksel. U refuzua nga Beogradi. Jemi gati për të shkuar në çfarëdo kohe. Edhe komandanti i KFOR është në kontakt me kryetarët e komunave. Situata mund të deskalojë prej provokimeve nga fqinji ynë verior. Të rikthehemi në paqe e siguri të plotë. Qytetarët i ftoj për qetësi dhe durim. Puna po bëhet pa asnjë defekt”, tha Kurti.
