Është zbardhur dëshima e 53- vjeçarit, i cili mbeti i plagosur me armë zjarri ditën e djeshme në qytetin e Korçës. Ngjarja ndodhi në lagjen nr.16 në arfërsi të “Xhamisë së Re”. Mësohet se gjatë dëshmisë së tij në komisariatin e policisë, i plagosuri pohoi se nuk e njihte autorin që qëlloi ndaj tij. Burime nga policia bëjnë me dije se autoritetet pas verifikimeve kanë arritur në konkluzionin se Berberi nuk ka qenë shenjestra e atentatit dhe plumbi e ka kapur gabimisht.
Gjithashtu sipas policisë Berberi nuk është person me probleme dhe as me precedentë të mëparshëm penalë.
Policia e Korçës po punon për identifikimin e autorit të krimit, i cili për më tepër se 10 orë ndodhet në arrati, gjithashtu si dhe për të zbuluar identitetin e objektivit të synuar nga ana e tij.
NJOFTIMI I POLICISE
Më datë 18.09.2022, rreth orës 20:20, në Spitalin e Korçës është paraqitur i dëmtuar në këmbë, dyshohet me armë zjarri shtetasi R. B., rreth 53 vjeç, banues në Korçë, i cili ndodhet jashtë rrezikut për jetën. Nga të dhënat e para dyshohet se ngjarja ka ndodhur në një lokal, në lagjen nr. 16, Korçë.
Nga ana e Policisë së Korçës po punohet për zbardhjen e plotë të ngjarjes.
