Kur do i rikthehemi jetës së mëparshme? Rama tregon “pikën e kthesës”

Google+ Pinterest LinkedIn Tumblr +

Kryeministri Rama ishte i ftuar mbrëmjen e sotme në ABC News ku ndër të tjera deklaroi se vetëm kur te kemi rënie konstante të kurbës së pikut të infeksionit në Shqipëri, mund të fillojmë pak nga pak, ti rikthehemi jetës së mëparshme.

Sipas kreut të qeverisë, kjo varet nga këmbëngulja dhe vendosmëria, për të zbatuar rregullat me të njëjtin zell si tani, e të gjithë shqiptarëve.

Më tej, Rama deklaroi se ka mundësi që në javën e tretë të muajit Prill, do të mund të shohim “dritë në fund të tunelit”.

Gjithashu, kryeministri tha se nuk ka bërë testin për COVID-19, pasi nuk e ka parë të nevojshme dhe të arsyeshme për t’iu nënshtruar këtij lloj testi sepse nuk ka simptoma.

Sipas tij, masat drastike që ka ndërmarrë në izolimin e qytetarëve do të mund të frenojnë përhapjen e koronavirusit dhe do të mund të shmangin katastrofën, teksa tha gjithashtu se 60 % e popullsisë do të preket nga koronavirusi pasi kjo është e pashmangshme por që do të shfaqet me simptoma të lehta për disa duke bërë që ata që do të preken të imunizohen nga COVID-19.

Ditën e sotme ndërruan jetë 2 pacientë duke e çuar në 15 numrin e viktimave nga COVID-19 në vendin tonë, sakaq, ka shkuar në 243 numri i të prekurve nga COVID-19, pasi gjatë 24 orëve të fundit janë shënuar 20 raste të reja nga 145 testime të kryera.

Në urgjencën e Infektivit janë të shtruar 77 persona, ku 8 prej tyre ndodhen në terapi intensive, 3 prej të cilëve janë intubuar.

Durrësi ka një shtim të ndjeshëm të numrit të të prekurve me 12 raste të reja, duke shkuar në 26, por nga ana tjetër gjatë 24 orëve të fundit janë shëruar edhe 8 pacientë duke e çuar numrin në 52 numrin e të shëruarve në total.

Ndërkohë, mbrëmjen e sotme ministrja e Shëndetësisë, Ogerta Manastirliu ka dhënë lajmin e mirë se edhe 5 pacientë të tjerë nga Tirana, Fier dhe Kavaja janë shëruar nga koronavirusi, duke e çuar në 52 numrin e të shëruarve.

Sipas saj, të gjithë kanë qënë për më shumë se 2 javë në Spitalin Infektiv, madje 2 prej tyre kanë qënë në gjendje të rëndë, megjithatë ia kanë dalë që të shërohen.

Shpërndaje
Share.

Komento