Vetëm pak ditë pasi qeveria e kancelarit Sebastian Kurz, bëri me dije vendosjen e ashpërsimit të masave kundër koronavirusit, edhe pse në temperatura nën zero, mijëra qytetarë austriakë kanë dalë në rrugët e Vjenës.
Qytetarët austriakë dolën në sheshet e Vjenës, për të protestuar kundër këtyre rregullave të reja të vendosura nga qeveria e Sebastian Kurzit, duke kundërshtuar kufizimet në jetën publike.
Një pjesë e madhe e demonstruesve ishin pa maska mbrojtëse, ndërsa motoja e tyre kryesore në pankarta ishte: “Kurzi duhet të largohet”.
Kujtojmë se Austria ka lejuar të qëndrojnë hapur vetëm dyqanet ushqimore, ndërsa vendi ka raportuar mbi 390.000 raste me covid-19 dhe mbi 7.000 të vdekur që nga fillimi i pandemisë në mars të vitit 2020.
Pakënaqësia e qytetarëve austriakë ndaj qeverisë së kryeministrit Sebastain Kurz për shkak të ashpërsimit herë pas here të masave anti-covid, vihej re prej disa muajsh, por vetëm në fillim të këtij viti qytetarët shpërthyen në demonstrata nëpër sheshet e Vjenës dhe në disa qytete të tjera.
Kryeministri i vendit, Sebastian Kurz, disa muaj më parë u përball me një tjetër skandal, ku zëvendëskryeministri i qeverisë së tij, u përfshi në përgjime me disa eksponentë rus dhe ku akuzua për korrupsion.
Më pas Kurz e shkarkoi vartësin e tij, por nuk dha dorëheqje e gjithë qeveria. Tashmë kjo është hera e dytë në këtë mandat që kryeministri austriak po përballet me protesta ku kërkohet dorëheqja e tij./Gazetareforma.com/
