Deputeti i opozitës parlamentare, Kujtim Gjuzi në fillim të seancës plenare ka ngritur dy shqetësime. Gjuzi ka kërkuar shpjegim nga Kryetari i Kuvendit, Gramoz Ruçi lidhur me përjashtimin e gazetarëve nga parlamenti, duke i kërkuar shpjegim se pse është ndaluar publiciteti i komisioneve.
Një tjetër shqetësim që ka ngritur Gjuzi ka qenë edhe numri i seancave plenare në të cilat ka munguar kryeministri i vendit Edi Rama.
Duke iu drejtuar kreut të Kuvendit, Gramoz Ruçi, kreu i Konservatorëve tha se janë bërë 6 muaj mungesë nga ana e kryeministrit, ç’ka sipas tij përbën shkelje të Rregullores së Kuvendit.
Nga ana tjetër Ruçi i është kthyer prerazi duke thënë se Gjuzi për të dyja është gabim. Ai theksoi se rregullorja e re pë rmediat do të jetë objekt shqyrtimi i diskutimi për Kuvendin e ardhshëm. Po ashtu ai thotë se çështja është vlerësuar maksimalisht dhe po priten konkluzionet.
Kujtim Gjuzi: Është miratuar ndalimi i publicitetit të komisioneve në seancat plenare të jenë të hapura. Neni 43 i rregullores nuk i lejon këtë, dua shpjegim nga ana juaj. kryeministri ka munguar 6 muaj në parlament, a përbën e shkelje që mandate i tij të jetë i pavlefshëm.
Gramoz Ruçi: Jeni i pasaktë në të dyja. S’ka të bëjë me transparencën e Kuvendit, transparenca është vlerësuar. Lidhur me vendimin e fundit nga Byroja hyn në fuqi kur mbarojnë masat, dhe mund të bëhet objekt shqyrtimi e diskutimi. Shqetësimi i medias për këtë çështje është vlerësuar maksimalisht. Është zhvilluar një kontakt informuas dhe ballafaques. Po priten konkluzionet. Nëse do të ketë gjëra që nuk konsiderohen atëhere do merren parasysh nga Byroja.
Për kryeministrin, jo më vonë se seancën e kaluar kryeministri ishte në foltore për të folur.
