Zgjerimi i hartës së Coronavirusit dhe shtimi i të infektuarve ka ngjallur frikë në vendin tonë, ndonëse fatmirësisht nuk ka asnjë të prekur.
Ndër masat kryesore për të luftuar COVID-19 ekspertët rekomanduan higjenën personale, që konsistonte sidomos në larjen e shpeshtë të duarve me dezinfektues.
Kaq mjaftoi që qytetarët të dyndeshin në farmaci.
Mirëpo, referuar të dhënave të fundit të “The Mirror”, përdorimi i shumtë i dezinfektantëve rrit rrezikun e prekjes nga virusi.
Një sipërmarrës i një kompanie produktesh kimike tregoi se përdorimi i tepruar i dezinfektuesve të duarve me bazë alkooli mund të heqin florën normale bakteriale që mbështjell lëkurën dhe na mbron nga patogjenët.
“Sigurisht, është e nevojshme të lani duart dhe të përdorni sanitizuesit e duarve me bazë alkooli për të zvogëluar transmetimin e virusit të ri, por mbingarkimi i tij nuk është gjë e mirë”, shpjegon ai.
Sasia e alkoolit që gjendet te këto produkte sjell tharjen e lëkurës, që mund të bëhet një vatër e baktereve të sëmundjes, duke rritur rrezikun e viruseve që hyjnë në trup përmes prerjeve në lëkurë.
Çfarë duhet të bëjmë?
Ekspertët këshillojnë të lani duart me një sasi normale të sapunit për më shumë se 30 sekonda në një mënyrë efektive sesa të lani duart disa herë në ditë.
Po ashtu, pas larjes sigurohuni që t’i thani duart plotësisht, pasi lënia e duarve të lagura mund të çojë në çrregullime të lëkurës, duke e bërë më të lehtë që viruset të ngjiten në duart tuaja.
