Kthimi i buxhetit nga Presidenti Meta është komentuar gjatë dhe ministri Ahmetaj nuk e ka tejkalur ditën e sotme gjatë seancës plenare.
Buxheti 2019 është tema më e diskutuar e momentit dhe Ahmetaj ka thënë se nuk ka asnjë sqarim konkret pse është kthyer dekreti dhe për më tepër Meta duhet të kishte ndëryrë për dialog me studentët.
Ahmetaj ka thënë se Presidenti është munduar që të përfshihet në një kontribut për nevojat e studentëve, të Arsimit të Lartë, apo dhe më tej.
“Duke qenë se nuk i është referuar asnjë shpenzim, do detyrohem që të flas për shpenzimet. Do ishte shumë mirë që presidenti t’i kërkonte studentëve dhe pedagogëve dialog. Kontributi për arsimin e lartë është dyfishuar. në 2010 të ardhurat nga tarifat kanë qenë 2.8 mld. Në 2018 të ardhurat janë 2.8 mld. Dy shifra fare të thjeshta. Ata që janë sot në protestë kanë paguar 2.8 mld dje dhe sot”, tha Ahmetaj.
Ndërsa nëse kujtojmë kthimin e bixhetit Meta është shprehur kështu:
“Duke marrë shkasë edhe nga kërkesat e studentëve, te cilet prej ditesh protestojne, kreu i shtetit ktheu ligjin për buxhetin sërish në Kuvend më datë 13 dhjetor. Kjo lëvizje e Metës erdhi si një mundësi për plotësimit të kërkesave që kanë studentët e që lidhen direkt me buxhetin adresuar për ta.
“Presidenti i Republikës Ilir Meta, duke ndjekur me shumë vëmendje situatën politike më të fundit në vend, si dhe duke vlerësuar konsensusin e gjerë publik mbi kërkesat e studentëve, të cilat janë konsideruar nga të gjithë aktorët politikë si, të drejta, legjitime dhe të realizueshme, duke synuar interesin më të mirë në përmbushjen e objektivave sociale të parashikuara në nenin 59 të Kushtetutës, si dhe në garantimin e stabilitetit në vend, me dekretin nr. 10997, datë 13.12.2018 ka vendosur “Kthimin për rishqyrtim në Kuvend të ligjit nr.99/2018 “Për buxhetin e vitit 2019”, me qëllim rishqyrtimin e tij. Presidenti i Republikës, ka besimin e plotë se Kuvendi i Shqipërisë do të reflektojë një bashkëpunim gjithëpërfshirës me qëllim plotësimin e kërkesave të studentëve dhe interesit publik.”
