Një atentat me snajper u krye paraditen e sotme në Elbasan ndaj shtetasit Ardian Çapja.
Ky i fundit është në gjendje të rëndë, pasi është plagosur në shpatullën e mjatë dhe plumbi i ka kaluar shumë pranë zemrës.
Mësohet se autorët e krimit përdorën një makinë të vjedhur në Fushë-Krujë për të kryer atentatin, e cila është gjetur e shkrumbuar pak metra larg shtëpisë së Ardian Çapjas.
Makina është totalisht e shkrumbuar dhe kjo tregon se autorët kanë pasur kohë të arratisen pasi kanë qëlluar 55-vjeçarin dhe po ashtu edhe t’i vënë flakën automjetit për të humbur çdo lloj gjurme.
Në brendësi të makinës është gjetur edhe arma me të cilën plagosën Çapjan.
Arma është një snajper prodhim finlandez, ndërsa për shkak të plasjes së fishekëve u plagos dhe një zjarrfikës i cili shkoi në vendngjarje për të shuar flakët.
Kujtojmë këtu se ky është atentati i tretë i kryer ndaj Ardjan Çapjas.
