Nga tërmeti i 26 nëntorit u dëmtuan rreth 8000 banesa në tri qarqet : Durrës, Tiranë, Lezhë.
As Kryeministria nuk u ka shpëtuar dëmeve të tërmetit.
Zëvendësministri i Infrastrukturës dhe Energjitikës, Artan Shkreli, ka publikuar disa foto, të cilat trgojnë dëmet e tërmetit në këtë godinë.
“Kryeministria gjithashtu u trondit nga termeti i dt. 26.11.19, dhe në sallën dopio-volum të hartave strukturat mbajtëse pësuan mjaft plasaritje. Ishte fat i madh që pikërisht parvjet të dy katet e poshtme, përfshi bazamentin, u përforcuan në pikepamje konstruktive dhe u sollën në norme sizmike duke shpëtuar me siguri qendrueshmerinë e objektit”.- shkruan Shkreli.
Duke e cilësuar si një sallë të bukur e me karakter monumental, zëvendësministri shprehet se ajo po i nënshtrohet rehabilitimit dhe përforcimit me fibra karboni.
