Kryetari i Partisë Socialiste, Edi Rama do të mbledhin ditën e sotme grupin e vjetër parlamentar dhe atë që u zgjodh pas zgjedhjeve të 25 prillit. Bëhet me dije se mbledhja do të nisë në orën 19:00. Gjithashtu mësohet se në fokus të takimit do të jetë bilanci për qeverisjen e kaluar dhe objektivat që priten të arrihen nga qeveria e re.
Po ashtu sjellim në vëmendje se javën që vjen kryeministri i vendit Edi Rama pritet që të njoftojë krijimin e qeverisë së re, pas fitores në zgjedhjet e 25 prillit. Në mbledhjen e fundit që organizoi me ministrat e kabinetit aktual, kryeministri njoftoi tërheqjen nga mandati i deputetit të shefes së Infektivit, Najada Çom. Po ashtu sjellim në vëmendje se zv.kryeministri Erion Braçe hoqi dorë nga posti që mbante.
“Qeveria e re do të shpallet javën e ardhshme dhe ju natyrisht do të vijoni punën deri në minutën e kalimit të detyrës pa lënë asnjë ditë të shkojë kot. Fatmirësisht, kemi skuadër kampione ku ka shumë zgjedhje për çdo rol dhe kampionati 4-vjeçar që ka nisur të nesërmen e zgjedhjeve të fundit kërkon jo vetëm një formacion të mirë qeverisës, një kryesi të mirë të grupit parlamentar dhe një kryesi efektive të partisë, por edhe një stol rezervash të gjatë për të pasur në vijimësi mundësi energjizimi të situatës.” -tha Rama në mbledhjen me ministrat.
