Kryetarja e Lëvizjes Socialiste për Integrim, Monika Kryemadhi ka qenë në një takim me banorët në Kamëz, ndërsa ka thënës e një problem shumë i madh për këtë bashki është mungesa e një spitali. Kremadhi është zotuar se është detyrë qytetare që një nga bashkitë më të mëdha në vend të ketë një nga spitalet më modern në Shqipëri, dhe LSI do e ndërtojë.
“E rëndësishme nuk është vetëm punësimi, por e ardhmja e fëmijëve tanë, e shqiptarëve, e jona. Sot, nga data e sotme na ndajnë edhe 13 ditë nga 25 prilli, si sot dy javë numëruesit e LSI do të numërojnë fletët e votimit, që do të jenë të kuq, si flamuri shqiptar. Unë sot dua të them shumë gjëra, të them shumë fjalë, që kanë qenë të pamundura, por ne s’jemi ndalur për të bashkëbiseduar me ju.
Bashkia e Kamzës është e 5 në rang vendi nga popullsia, shtrirja. Një nga problemet kryesore që ka, është mungesa e spitalit. Ne si LSI e mbajmë fjalën, i qëndrojmë angazhimeve tona, jo vetëm që do e çojmë deri në fund angazhimin e të gjithë kandidatëve në Kamëz, por do e çojmë këtë, sepse është detyrë qytetare, është humanizëm, por që një nga bashkitë më të mëdhaja, të ketë një nga spitalet më moderne në Shqipëri”, ka thënë Kryemadhi.
