Ministri i Jashtëm gjerman, Heiko Maas do të vizitojë Athinën të martën, 25 gusht, për bisedime me homologun e tij grek Nikos Dendias.
Sipas burimeve diplomatike, ai do të shkojë në Ankara në të njëjtën ditë. Takimi me Dendias do të zhvillohet në orën 12:00 p.m. Diskutimet do të përqëndrohen në situatën në Mesdheun Lindor, si dhe marrëdhëniet BE-Rusi dhe situatën në Libi, në funksion të takimit joformal “Gymnich” të Ministrave të Jashtëm të BE që do të mbahet në Berlin në 27 dhe 28 gusht.
