Shqipëria ndodhet prej kohësh në një krizë te thellë institucionale.
Opozita ka dalë prej muajsh nga parlamenti, ndërsa marrëdhëniet ndërmjet qeverisë dhe presidentit janë në pikën më kritike.
Nisur nga kjo situatë, SHBA-të kanë sjellë në Tiranë një delegacion, të kryesuar nga Drejtori për Europën Qëndrore dhe Jugore, David Kostelancik, raporton “Report tv”.
Në axhendën e diplomatit të lartë amerikan janë takime me liderët kryesorë të partive politike, për të gjetur një zgjidhje të krizës dhe për të normalizuar situatën.
Kostelancik do të përpiqet që të ulë palët në dialog, një veprim ky që do t’i hapte rrugë hapjesë së negociatave me BE-në në tetor.
Kujtojmë këtu se Amerika dërgoi dy vite më parë Hot Brian Yee, asokohe zyrtar i lartë i DASH, i cili arriti të zgjidhte krizën.
Mbetet për t’u parë tashmë nëse Kostelancik, i cili dikur ka qenë pjesë e stafit të ambasadës së SHBA-ve në Tiranë, do të ketë sukses.
Kostelancik ka qenë zëvendës ambasador i SHBA-ve në Hungari, si dhe ka mbuluar marrëdhëniet me Rusinë, në Departamentin Amerikan të Shtetit.
