Vendi ynë po përfshihet nga kriza energjitike, ndërkohë që Rama e ka paralajmëruar disa herë këtë gjë.
Por gjatë seancës së sotme planare, sih-kryeministri Sli Berisha ka shënjëstruar në mënyrë të drejtëpërdrejtë qeverinë si fajëtore për krizën energjitike që po përjeton vendi. Berisha theksoi se në mënyrë kriminale, qeveria ka zbrazur në muaj Gusht-Shtator liqenin e Fierzës.
‘Kush e shkaktoi krizën e energjisë në vitin me reshje më të shumta prej kohësh. U prodhuan 9.3 milirdë kilovatë orë, ndërsa konsumi ka qenë 5.4 miliardë. Kush i zbrazi në mënyrë kriminale digat në muajt gusht-shtator. E zëmë se u çmend një drejtor i KESh dhe i zbardhi digat në një kohë që nuk duhet prekur. Duhet ruajtur rezerva. Por ai nuk e ka bërë vetëm, ai punon bashkë me ministrin, ose mbi ministrat. Si me inceneratorët, këta janë organizatë kriminale, e shesin energjinë dhe e ndajnë mes vetit fitimin’, deklaroi Berisha.
Ndërkohë që përgjatë seancës së sotme plenare Rama deklaroi se qeveria po mendon të veprojë me një plan të përkohshëm, ku familjet me më shumë të ardhura do të paguajnë më shumë.
Pra po merret në konsideratë që ata persona që kanë më shumë të ardhura të paguajnë më shumë në faturën e energjisë elektrike.
“Nuk do e rrisim çmimin e energjisë elektrike. Ndërkohë ministria e Energjisë po bën një studim për familjet e pasura, jo për të rikthyer fashat e tmerrshme që na çuan në katastrofë totale dhe na lanë në buzë të humnerës në vitin 2013 për të parë nëse mund të bëjmë një ndarje të përkohshme ku ata që kanë më shumë të paguajnë më shumë në energjinë elektrike. Asnjë familje të mos ketë kosto rritje për çmimin e energjisë. Po shikojmë një mundësi, për një periudhë të përkohshme, ku ata që kanë më shumë, të paguajnë më shumë për faturën e energjisë”, tha Rama.
