Kriza energjetike që u paralajmëruar nga vet kryeministri Edi Rama, ka ngjallur debate të shumta në vendin tonë.
Së fundmi i ftuar në “Syri TV”, ish-zv.ministri i Energjisë, Eno Bozdo ka folur në lidhje me krizën energjetike dhe rritjen e çmimeve të karburanteve. Bozdo ka thënë se kryeministri i vendit po fut në panik qytetarët me deklaratat, duke shtuar se e njëjta gjë ka ndodhur edhe në kohën e tërmetit dhe pandemisë. Bozdo ka theksuar ndër të tjera se rritja e çmimit të energjisë do të të godasë më shumë shtresat në nevojë. Ai ka thënë se Shqipëria paguan më shumë energji se çdo vend tjetër në rajon. Gjithashtu ai ka bërë thirrje që kryeministri të jetë transparent me koncesionet.
“Rritja e çmimit të energjisë do godasë shtresat në nevojë. Rama po tremb popullatën. Rama futi në panik popullatën, e kjo ka ndodhur në kohën pas tërmetit dhe pandemisë. Rama po e bën këtë gjë, në emër të raporteve, sipas tij, ndërkombëtare. Ne paguajmë energji më shumë se çdo vend në rajon, përpos Malit të Zi, që ka tjetër standard jetese. Rama të jetë transparent me koncesionet.
Të bëjë transparencën njëherë e pastaj të bëjë këtë gjë që po bën. Shqipëria nuk operon me gaz. Sa i përket asaj që po ndodh në PD, mund të them se Partia Demokratike meriton lëvizje politike opozitare. Basha ka sjellë shterim tashmë për të sjellë PD-në në fitore. Uroj që Berisha të ndihmojë PD-në që të ngjizet sërish”, ka deklaruar Bozdo.
