Kërkimet nga organizata bamirëse kundër varfërisë “Oxfam” dhe Instituti i Mjedisit në Stokholm, kanë zbuluar se, emetimet e dyoksidit të karbonit janë rritur me 60% nga 1990 në 2015.
Raporti fajëson një përqindje të të pasurve për rritjen e 15% të këtyre emetimeve.
Kjo përqindje është dy herë më shumë dyoksid karboni sesa emetohet nga gjysma e njerëzve të varfër në botë.
Studimi tregoi gjithashtu se 10% e të pasurve e popullsisë globale e përbërë nga 630 milion njerëz ishte përgjegjëse për rreth 52% e emetimeve globale gjatë asaj periudhe.
Globalisht ky 10% përfshin ata me të ardhura mbi 35.000 dollarë në vit dhe një përqind ata që fitojnë më shumë se 100.000 dollarë.
Tim Gore, Shefi i Politikave, Avokatisë dhe Kërkimit në Oxfam dhe autori i raportit, tha se.
“Konsumimi i tepërt i të pasurve po nxit krizën e klimës, megjithatë janë komunitetet e varfra dhe të rinjtë që po paguajnë çmimin. Një pabarazi e tillë ekstreme e karbonit është një pasojë e drejtpërdrejtë e ndjekjes me dekada të qeverive tona për rritjen ekonomike të pabarabartë dhe me intensitet të lartë të karbonit”.
Studimi tha se emetimet e karbonit ka të ngjarë të rikthehen shpejt ndërsa qeveritë lehtësojnë bllokimet e lidhura me Covid.
Nëse emetimet nuk vazhdojnë të bien nga viti në vit, atëherë, në dekadën e ardhshme, ky 10 përqindësh i të pasurve në botë është i mjaftueshëm për të ngritur nivele mbi pikën që mund të rrisin temperaturat me 1.5 gradë C.
/GazetaReforma.com/
