Pas largimit të mikut të tij Suarez nga ekipi i Barcelonës, Lionel Mesi shpërtheu me kritika ndaj klubit për të cilin luan dhe veçanërisht ndaj presidentit katalanas Josep Maria Bartomeu se po largonte më të mirët dhe jo siç duhej.
Në lidhje me këtë deklaratë por edhe vështirësive që kaloi gjatë verës Messi dha një intervistë për gazetën katalanase “Sport” ku tha se po përpiqet të bëjë më të mirën për ekipin e zemrës dhe se duhet të jemi të bashkuar e të gjithë në një drejtim.
“Thjesht kam thënë atë që kam ndjerë në disa momente që ishin të vështira për mua. I kuptoj disa njërëz që thonë se unë duhej ta mbyllja gojën dhe ti lija gjërat të vazhdonin, por shumë gjëra më lënduan javët e fundit dhe ajo ishte një mënyrë e të shprehurit të tyre. Ne duhet ti lëmë mbrapa këto. Marr përgjegjësitë e mia nëse kam bërë ndonjë gabim. Nëse ato kanë ekzistuar, kanë qenë vetëm për të mirën e Barcelonës. Tani duhet të fokusohemi për ta bërë ekipin më të mirë dhe të luftojmë të gjithë bashkë si skuadër.
Duhet të jemi të bashkuar dhe të shkojmë në të njëjtin drejtim. Do jap gjithçka në fushë, Përkushtimi im ndaj kësaj fanelle, do jetë gjithmonë i plotë”, përfundoi Mesi.
