Krisje midis Rusisë dhe Serbisë? Shokon me deklaratën e tij ministri serbvNjë krisje midis dy shteteve mike Rusisë dhe Serbisë duket se po ndodh ditët e fundit. Këtë të diel ministri i Punëve të Jashtme i Serbisë, Nikola Selakoviç, u shpreh se vendi i tij nuk do të pranojë rezultatet e referendumit në rajonet e Ukrainës, pasi kjo sipas tij bie në ndesh me interesat e Serbisë.
“Kjo do të ishte krejtësisht në kundërshtim me politikën tonë të ruajtjes së integritetit territorial dhe sovranitetit dhe përkushtimit ndaj parimit të paprekshmërisë së kufijve”, deklaroi Selakoviç.
Kujtojmë se aktualisht Rusia po mban disa referendume në 4 rajone që kontrollohen pjesërisht nga ajo të cilat kanë nisur më 23 shtator dhe do të vijojnë deri më 27 shtator.
Veprimi i Rusisë tashmë është dënuar nga Perëndimi dhe OKB, pasi bie ndesh me ligjet ndërkombëtare.
Ndërkohë hefi i Selakovic u shpreh se në margjinat e seancës së Asamblesë së Përgjithshme të Kombeve të Bashkuara, më 23 shtator, Serbia dhe Rusia nënshkruan Planin për Konsultime për dy vitet e ardhshme. Ai tha se dokumenti është “çështje teknike” dhe se është nënshkruar që nga viti 1996.
“Bëhet fjalë për marrëdhënie dypalëshe dhe aktivitet shumëpalësh. Qeveria ka mundur ta refuzojë një plan të tillë, por nuk ka asgjë të diskutueshme në të dhe është kritikuar nga ata që as nuk e kanë parë”, tha Selakoviq.
Më 23 shtator, ministria e Punëve të Jashtme e Serbisë publikoi në Tëitter një video të nënshkrimit dhe shkëmbimit të dokumentit të nënshkruar.
Nga video mund të konstatohet se Plani i Konsultimeve është nënshkruar në ambientet e misionit rus në OKB.
Ky është dokumenti i parë diplomatik i nivelit të lartë që Serbia dhe Rusia kanë nënshkruar që nga 24 shkurti, kur filloi pushtimi rus i Ukrainës.
Për shkak të agresionit të saj kundër Ukrainës, Rusia është nën sanksione nga Bashkimi Evropian, Shtetet e Bashkuara dhe vendet e tjera perëndimore.
Autoritetet serbe votuan për disa rezoluta në Kombet e Bashkuara që dënojnë Rusinë për pushtimin e Ukrainës.
Megjithatë, Serbia edhe pse është kandidate për anëtarësim në BE, refuzon të harmonizojë politikën e saj me atë evropiane dhe të vendosë sanksione ndaj Rusisë.
Raportuesi për Serbinë në Parlamentin Evropian, Vladimir Bilçik, ka shkruar në Tëitter se lajmin për nënshkrimin e marrëveshjes e sheh si një goditje të madhe për procesin e anëtarësimit të Ballkanit Perëndimor.
