Sot ai është njeriu që ka në dorë ishullin më të fuqishëm të botës dhe nga shumë media dhe individë konsiderohet si një politikan kontrovers dhe një kryeministër i paparashikueshëm.
Por dikur kryeministri i Britanisë së Madhe, Boris Johnson, ka qenë një gazetar i “Daily Telegraph”.
Në vitin 1999, ai erdhi në Serbi si korrespondent, gjatë bombardimeve të NATO-s në Kosovë. Teksa qëndronte në Serbi, Johnson, intervistoi ish-kriminelin e luftës Zeljko Raznatovic, i njohur me nofkën “Arkani”, të cilin Johnson do ta etiketonte si “krimineli i luftës me fytyrë foshnjarake”.
Gjatë intervistës, Arkani fliste për Kosovën dhe krimet e tij, të cilat i kishte ligjëruar si të drejta për lirinë e Serbisë.
Në atë kohë koloneli Arkan mbahej si një prej ushtarakëve serb më gjakësor, dhe pas publikimit të intervistës në “Daily Telegraph”, ajo do të bënte bujë të madhe.
ARTIKULLI I PLOTË:
Ju menjëherë e njihni fytyrën foshnjarake përtej dhomës së çajit Hyatt – fytyra e cila akuzohet për krime lufte në Hagë. Ai është pronari i ekipit numër një të futbollit të Jugosllavisë, pronari i zinxhirit të furrave “Kurora Serbe”, burri i këngëtares më të njohur e quajtur Ceca. Ai quhet Zeljko Raznatovic, i njohur ndryshe si Arkan. Jo, ai nuk ishte në Kosovë, vend që Robertson tha se ishte në fillim të konfliktit. Por “Tigrat” e tij paraushtarakë janë në stërvitje në të gjithë Jugosllavinë dhe Arkan po pret …
“Nëse po vini me trupa tokësore, unë do të shkoj në Kosovë. Unë u rrita në Prishtinë”,– thotë Arkan.
Sipërmarrësi paramilitar është i rrethuar nga disa gra shumë të zgjuara, përfshirë gruan e tij me një kostum saten ngjyrë blu dhe disa fytyra të ashpra. Njëri prej tyre quhet “Kolonel Igor Igorov”, një rus me sy të sheshtë, i veshur me kostum të errët. Igor ulet dhe dëgjon bisedën tonë, ndërsa një palë tjetër e ndihmësve të Arkanit ulen pas meje.
“Na thuaj, Arkan në lidhje me krimet e tua të luftës në Bosnjë? Unë vras shumë njerëz në një luftë të drejtë sepse unë shkoj i pari dhe ushtria ime po shkon pas meje. Gjatë gjithë kohës nuk mund të jetoj pa rrezik. Qyteti kishte 40,000 myslimanë dhe 20,000 serbë. Ata myslimanë filluan të qëllonim dhe ne shkuam në qytet dhe i vramë ata bastardë.
Populli mysliman dhe populli serb më mirëpriti, unë mbajta një fjalim dhe ata bërtisnin: Faleminderit Arkan! Faleminderit Arkan! ‘ sepse i shpëtova nga muslimanët. Unë i respektoj muslimanët. Unë nuk ha, për shembull, mish derri, por nuk jam musliman. Thjesht nuk më pëlqen mishi i derrit”,- thotë babai i nëntë fëmijëve.
Kjo është një unazë e këndshme – nuk them se është një unazë tërheqëse, por sepse ka një një diamant me madhësinë e një Smartie (lloj karameleje). Ma bëri dhuratë ime shoqe. Ajo bëri një album të shtatë dhe ma dhuroi për ditëlindje”,- thotë Arkan, i cili dikur ka jetuar në Londër dhe flet frëngjisht rrjedhshëm.
Po në lidhje me mizoritë serbe në Kosovë?
Është e mundur që disa serbë u zemëruan dhe ata vepruan siç nuk duhet,”-thotë ai. “Në këtë vend, ne kemi ligj dhe rregull. Në këtë vend, ne nuk kemi një president, i cili është një kriminel lufte.
Përdhunimet?
Nuk kanë ndodhur kurrë. Unë do të jem i pari që do të qëlloj një ushtar serb i cili e bën këtë menjëherë. Ai kurrë nuk do të jetojë dy sekonda nëse ka përdhunuar. Ne nuk jemi të egër. Ne nuk jemi nazistë. Ne nuk vrasim njerëz.
A mendoni se do të ketë një luftë tokësore?
Sigurisht. Pse mendoni se i kam prerë flokët? Jo për t’u dukur i ashpër, por kur vë beretën, është më mirë nëse flokët janë të shkurtër.
Je i sigurt që do të fitoni?
Unë nuk dyshoj për asnjë sekondë se ne jemi fituesit. Pas kësaj, ne do të këndojmë “We are the Champions”.
A keni ndonjë biznes?
Do të shes qeset plastike, sepse do t’ju duhen shumë qese plastike për të futur ushtarët tuaj. Ky do të jetë biznes i mirë.
Aktakuza për krime lufte në Hagë?
S’më plas fare. Unë me të vërtetë nuk e njoh atë gjykatë.
Kush ishte ARKAN?
Zeljko Raznatoviç u vra më 15 janar të vitit 2000, në hotel Interkontinental në qendër të Beogradit pak kohë para se në Hagë të niste gjyqi ndaj tij. Arkan ishte në listën e më të kërkuarave nga Interpoli për grabitje dhe vrasje dhe konsiderohej si figura më e fuqishme e krimit të organizuar në Ballkan.
/GazetaReforma.com/
