Një ngjarje tronditëse ndodhi ditën e sotme në fshatin Mekat të Vlorës, ku Genci Koreta vrau me armë zjarri xhaxhain e tij Jorgji Koreta, e më pas vrau veten.
Pas krimit tronditës, kanë folur edhe të afërmit e viktimave, të cilët kanë treguar se nuk dinin që mes të dyve të ketë pasur konflikte. Njëri prej familjarëve, i cili është prezantuar si djali i hallës së Jorgji Koretës ka treguar për Fax News se ngjarja ka nodhur teksa xhaxhai me nipin po punonin tek ullinjtë.
“Po nuk dimë gjë o vëlla. Te ullinjtë janë vrarë. Nuk dimë gjë. Te ullinjtë punonin nipi me gjithë xhaxhain. Përse u vranë nuk dimë gjë. Jorgjin e kam djallë halle. Nuk dimë gjë, ata kalonin mirë o burr i dheut”, tha ai.
Ndërkohë, një tjetër e afërme ka thënë se ata kanë shkuar në vendngjarje pasi kanë dëgjuar të qarat e së ëmës, ndërsa mohoi që mes tyre të ketë pasur konflikte.
“Te ullinjtë thonë. Ne këtu kushërinj, jemi një fis. Dëgjuam ulërimat që po qante e ëma dhe erdhëm. Jo jo nuk kanë pasur konflikte. Ai ka qenë djalë nuk e di çfarë të them. Ka emigruar më përapara. Nuk e dimë”, tregoi ajo.
Lexoni lajmin kryesor këtu
