Detaje të reja kanë dalë në dritë nga ditari i Caroline Crouch që u vra mizorisht nga bashkëshorti i saj Charalambos Anagnostopulos.
Daily Mail ka kontaktuar një oficer policie, i cili ka shpjeguar se Caroline e fshihte ditarin nga I shoqi. Policia arriti t’I gjente shënimet e saj në fund të një dollapi, të fshehur nën disa kuti këpucësh, pasi ajo u vra në shtëpinë e saj në Athinë.
Ajo kishte të gjitha arsyet për ta mbajtur atë larg Charalambos Anagnostopulos, pilotit të helikopterit me të cilin ishte martuar dy vjet më parë, i cili tani ka rrëfyer për vrasjen e gruas së tij në një rast që ka tronditur vendin.
Në fakt, detektivët besojnë se disa prej shënimeve shpërthyese të ditarit të Caroline, duke përshkruar të vërtetën brutale në lidhje me martesën e tyre, dhe të shkruara me stilolapsa me ngjyra të ndryshme, ishin përpiluar në kod – të përbërë nga shkurtesa greke dhe angleze – për të parandaluar që Anagnostopulos të lexonte të gjithë përmbajtjen.
Sipas oficerit që foli për Daily Mail, në ditar përdoreshin shlronja dhe simbole greke që lënë të kuptohet se lidhja e tyre kishte porbleme dhe se Babis ishte i rrezikshëm. Gjithashtu në ditar ka referenca që nënkuptojnë dhunë.
Oficeri ka treguar se ka referenca të mundshme dhe për faktin se 33-vjeçari Anagnostopulos dhe Caroline, gruaja e tij e re britanike, e cila ishte vetëm 19 vjeç kur vdiq – jo 20, siç ishte raportuar më parë – ishte vetëm një nxënëse 16-vjeçare kur u takuan në 2017. Por e gjitha kjo është në pikëpyetje.
Sipas rrëfimeve të të njohurve të çiftit, Babis ishte shumë i dashuruar me Caroline dhe shkonte në ishull vetëm për ta takuar, por shënimet në ditar sugjerojnë që ajo gradualisht e kishte kuptuar se ishte bllokuar në një marrëdhënie abuzive që përfundimisht arriti kulmin në ngjarjet e tmerrshme të 11 majit.
