Një ngjarje tragjike ka ndodhur sot në Shkodër, ku një turist amerikan ka vrarë bashkëshorten e tij, rreth 53 vjeç, dhe më pas ka tentuar të kryejë vetëvrasje.
Autori i dyshuar, 57-vjeçari Brandon Saporito, ndodhet në spital në gjendje kritike për jetën.
Vrasja ka ndodhur në një hotel në zonën e ‘Gjuhadol’, pranë Pedonales, ku çifti i turistëve qëndronte.
Ai është transportuar në spital, ku raportohet se ka pësuar dëmtime të lehta, kryesisht në duar, dhe është i dyshuar të ketë qenë nën ndikimin e alkoolit. Bashkëshortja e tij ka humbur jetën në vendngjarje.
Policia ka mbërritur menjëherë në vendin e ngjarjes dhe ka nisur hetimet për zbardhjen e rrethanave të krimit.
Grupi hetimor, nën drejtimin e Prokurorisë, po punon për të dokumentuar rastin dhe për të verifikuar motivet e ngjarjes. Arma e krimit ka qenë një thikë, dhe gjithashtu po hetohen kushte të tjera që mund të kenë kontribuar në këtë tragjedi.
