Një 27-vjeçar ka rënë në prangat e policisë së Pogradecit. Sic njofton policia, i arrestuari është E.Xh, i cili dyshohet se ka kryer marrëdhënie seksuale, me një shtetase të mitur 13-vjeçare.
Burime bëjnë me dije se vajza 13-vjeçare ka deklaruar para policisë se e gjithë marrëdhënia mes saj dhe 27-vjeçarit ka qenë me dëshirë. Ajo ka shtuar se e ka gënjyer 27-vjeçarin për moshën reale dhe ai nuk kishte faj në këtë mes.
Duket se kanë qenë familjarët e vajzës që e kanë denocuar në polici të riun pasi vajza kishte vendosur një foto profili me të shoqëruar me një unazë. Nga ana tjetër 27-vjeçari ka deklaruar para oficerëve se kishte qëllime serioze me të miturën dhe se nuk e dinte moshën reale të saj.
Njoftimi i policisë:
Specialistët për Hetimin e Krimeve të Komisariatit të Policisë Pogradec arrestuan shtetasin E. Xh., 27 vjeç, banues në fshatin Hondisht, Pogradec, pasi dyshohet se ka kryer marrëdhënie seksuale, me një shtetase të mitur 13-vjeçare.
